المقالة التالية

رجّعني شخص عادي

الكاتب: أندرو مجدي
من سلسلة: بريد القراء

رجّعني شخص عادي

بيحبك انت بس

مش كل حاجة عنده

يعمل إنجاز وبس

حتى لو الإنجاز ده ليك

مش ده اللي بيعلّيك

لكن علشان تزيد

لازم ينتابني نقص

رجّعني أحس إني

مش محتاج للحاجات

واني مقبول لأني

متغرَّق إحسانات

مش أي فضل مني

أو إن ليَّا حق

لكن حقك عليا

أشهد عنك بحق

أنا لما ابتديت

أتعلِّم واحدة واحدة

حبك مكانش حاجة

فهمتها مرة واحدة

ساعتها كنت طفل

ماسك في ايدين باباه

مش بيلاقي الأمان

إلا وأبوه معاه

أنا حاسس إني فعلاً

وصلت لحارة سَدْ

مفيش أمل في نفسي

مفيش أمل في حد

خليني ارجع أصدَّق

في قوة القيامة

وإن كل جُمعة

بييجي وراها حد