|
 زايد العالم ف إضطرابه
وعَمَّاله تعلى لفوق أمواجه
والموجه تخبط وتلخبَط
اللي شايفها ومِدّيها اهتمامه
لكن أنا في سلام، في سلام
أنا مطِّمن ليَّ ضمان
والناس كلها حيرانة
قاعدة خايفة وتعبانة
عمَّاله تقلِّب في الاخبار
وتبات أوجاعهم سهرانة
لكن أنا في سلام، في سلام
أنا مطِّمن ليَّ ضمان
وأهي عمَّاله تدور الأيام
وتوعد فيهم، ويعيشوا الأحلام
وبيلفوا ف دواير دواير
وزرع الفشل يطرح آلام
لكن أنا في سلام، في سلام
أنا مطِّمن ليَّ ضمان
وهاخاف من إيه ما انا رامي عليه
ما الأمر كله ف إيده. أنا متشال ف عنيه
ها يعلى يعني الموج ويهيج
ها تفرق إيه، هو يمشّيني عليه
وأفضل كده في سلام، في سلام
وكمان مطِّمن أنا ليَّ ضمان
لو خايف، حوِّل عينك ع البار
لو دخلت نفسك ف النار
زي الفـتـيـة يـنـجـيـك
زي ما نجَّاهم وسط آتون النار
وعيش في سلام، في سلام
خليك مطِّمن يسوع أروع ضمان
فادي كيرلس كيرلس – الإسكندرية
|